ՑՈՒՑԱՀԱՆԴԵՍ՝ ՆՎԻՐՎԱԾ ԿԱՆԱՆՑ ՏՈՆԻՆ
Մարտի 9-ին Հայաստանի պետական ճարտարագիտական համալսարանի (պոլիտեխնիկ) իգական սեռի ամենաշատ ներկայացուցիչներ ունեցող ֆակուլտետներից մեկի՝ Քիմիական տեխնոլոգիաների և բնապահպանական ճարտարագիտության ֆակուլտետի կին-դասախոսներին և աղջիկներին անակնկալ էր սպասվում: Նշված ֆակուլտետի Ուսանողական խորհուրդը, Հայկուհի Ավետիսյանի գլխավորությամբ, կազմակերպել էր ցուցահանդես` նվիրված կանանց տոնին: Ցուցադրված էին «Տարոն» գեղագիտական կենտրոնի և Մեծամորի թիվ 2 դպրոցի սաների աշխատանքները: Բացի այդ, ամեն դասամիջոցին մասնաշենքի բակում և նախասրահում հնչում էր երաժշտություն, իսկ մասնաշենք մտնող բոլոր կանանց և աղջիկներին սպասվում էր անակնկալ՝ ծաղիկ և շնորհավորական բացիկ: Այսպես Ուսանողական խորհուրդը փորձել էր գեղեցկացնել լուսավոր գարնանային տոնը:
Կազմակերպված միջոցառմանը մասնակցեցին թե՜ ուսանողները, և թե՜ «փոքրիկ նկարիչների» ծնողները: Ցուցահանդեսից հետո նկարների հեղինակների մեծ մասը նշեց, որ հետագայում բուհի և մասնագիտության ընտրության հարցում, անտարակույս, նախապատվությունը տալու է Պոլիտեխնիկին: Երեխաներն իրենց ընտրությունը պայմանավորեցին նրանով, որ մի ժանի ժամվա ընթացքում հնարավորություն ունեցան բավականաչափ ծանոթանալու մեր համալսարանին և այստեղ տիրող ջերմ ու բարեկամական մթնոլորտին:
Explore posts in the same categories: Ուսանողական միջոցառումներ, Քիմիական տեխնոլոգիաների և բնապահպանական ճարտարագիտության ֆակուլտետ, ԱյլTags: «Տարոն» գեղագիտական կենտրոն, Հայկուհի Ավետիսյան, Մեծամորի թիվ 2 դպրոց, Ուսանողական Խորհուրդ, ՑՈՒՑԱՀԱՆԴԵՍ, Քիմիական տեխնոլոգիաների և բնապահպանական ճարտարագիտության ֆակուլտետ, գարնանային տոն, դասամիջոց, ծաղիկ և շնորհավորական բացիկ, կին-դասախոսներ, ԿԱՆԱՆՑ ՏՈՆ, փոքրիկ նկարիչներ
You can comment below, or link to this permanent URL from your own site.
